Hyderabad-Secunderabad rawn kal tur te tana a hriat tur pawimawh te :
(A tlang pui tak tak chauh tarlan ani) 
Railways: General Enquiries -131,
Recorded information- 1331 ( Eng ),
1332 ( Telegu ) 1333 ( Hindi ),
Reservation Enquiries-1345
Train From Kolkatta:
Falaknuma Express (Howrah - Secunderabad) - Daily
East Coast Express (Howrah - Hyderabad) - Daily
From Guwahati:
Bangalore Express (Gauwahati to Vijaywada)
Chennai Express ( Gauwahati to Vijaywada)
Secunderbad Gauwahati Express ( Secunderabad to Gauwahati )
Guwahati atanga Hyderabad pan tur te chuan Thursday tin hian direct train a kal thin a, Secunderabad a tanga Gauwahati kal tur i nih chuan Sunday tinin a awm thung,ticket a rush deuh thin avangin a hmalama ngaihven thin a tha khawp mai.
Thlawhna chuan Kolkatta atangin Lengpui direct flight a awm reng.
Thlawhna ticket hi Hyderabad a tang chuan Saifabad, Assembly chhak lawk Air office ah a ngaihven theih (Tel 321-1084/805 ). Tin veng hrang hrang ah pawh travel agencies atang te in ticket book theih ani bawk. India ram chhungah bak ram pawn lam i kal nghal duh a nih chuan International Airlines- Kuwait Airways, South African Airways, Singapore Airlines, Quantas, Gulf Air, Swiss Air, Cathay Pacific Airlines, Malaysian Airlines te a awm a. Domestic Air chu Air india, Indian Airlines, Air Sahara leh Jet Airways te a awm bawk.)
Thlenna tur lam chu mahni sum neih dan a zirin tlawm deuh leh to deuh te pawh a awm. Atlangpuia chhutin khawpui hmundang ai in Hotel thlen man hi a tlawm zawk ni in a hriat. Mizo te tan Mizoram House te a awm ve loh avangin thlenna tur pawh mahni a in ngaihven mai angai thin ani.
Hotel lar zual deuh te chu: Taj Krishna
Road No 1, Banjara Hills
Hyderabad. Tel 3392323
Rs 6000-3600 Hotel Golkunda
Masab Tank
Tel 3320303
Rs.2900-1800 Amrutha castle
Best western opp Secretariat Saifabad
Tel 3299899,3243095
Rs 1800-1100 A man tlawm deuh lam pang i duh chuan: Hotel Jaya International
Abids, Hyderabad
Tel.4757486
Rs.750-Rs.600 Hotel Park Lane
Tel.7840466,7840399
Rs.850-Rs.700 Heng kan tarlan bakah hian ai a la tlawm tak tak pawh zirlai tan leh khualzin te tan tam tak a awm a sawisen theih ani lo. Internet leh travel agencies lam atangte a ngaihven mai chi ani e. 
Heile! Hyderabad khawpui chu : Hyderabad hi India khawpui ah chuan thangduang ber a ni a, 260 Sq.Km a zau a ni a, 5.2 million population, Altitude: 536 metres above sea level, Boruak lam chu nipui lai hian 30° C atanga 42° C te pawh a kai zauh thin, thlasik lai chuan14° C atanga 22° C vel a ni tlangpui. June a tanga December hi an ruah dawn ve hun monsoon season an tih hun a ni a 89 cms vel ruahsur thin ang a chhut a ni. Nizam khawpui tia sawi thin Hyderabad hi HITEC CITY ti a koh a ni bawk ( Hyderabad Information, Technology, Economic and Commerce City ). India ram a khawpui lian ber 6-na a ni a. Khawpui pahnih Hyderabad leh Secunderabad inzawm a nih avangin TWIN CITY ti a koh a ni bawk. Hmasawnna lamah an tuan a tha bawk a 'most happening city' ti a koh a ni bawk. Mi chi hrang hrang Telegu, Tamil, Kannada leh Urdu te inpawlh sawp an ni a. Tawngah chuan Telegu, Hindi , Urdu leh English an hmang ber. Khawpui inawpna leh enkawlna hna hi Greater Hyderabad Municipal Corporation (GHMC) hnuai a awm ani.
Hyderabad-Secunderabad a i lo kal chuan heng te hi i tlawh ngei dawn nia:- 
CHARMINAR :
Hyderbad khawpui sawi a rilru a lo lang ziah thin, cigarrette company pakhatin a hming an chawi tir tak kha a ni a. Thawnthu a an sawi dan chuan Charminar hi hrileng um tiau tur a sak a ni awm e. Sawi dan dang leh ah chuan hmanthatna lalnu-in Bhagyanagar ( Bhagmati khawpui ) a chhuahsan loh nan sak a ni an ti bawk. Kum 1591 ah khan Mohammed Quli Qutb Shah sak a ni a. Khawpui lai li tak a awm tur a ruahman a ni. Minar/minaret pali nei tihna a nih avangin sutpui te hian ( 189 ft )lai asang thiau an ni.A bul lawk ah hian Jama masjid a awm bawk a. State sorkarin khualtha a dawnsawn na hmun ber Chow Mahal palace pawh a bul lawk ah hian a awm bawk  .
SALARJUNG MEUSEUM :
Khawvel pumhuap pawh a mimal thil vawn thatna lianber pawl leh hlu tak pakhat a ni. Hyderbad Prime Minister thin Salarjung III a din a ni a. He Meuseum ah hian thil hlui leh khawvel huap pawh a mite ngaihhlut thil hlu leh hmuhnawm tak tak en tur a awm ani.
GOLCONDA FORT :
Golconda hi India kulh hmingthang ber te zing ami a ni. He kulh lo in din tanna hi Deogiri hmuna Yadava lalram awm lai leh Warangal hmuna Kakatiya lalram din hun lai vel thlengin a chhui let theih. A tirah chuan tlaklei hmang a sak ani a. Bahhamani lalram kutah tlu lut in Qutb Shah lalram hnuaiah a vanglai huna tawng chho a, 1518 atanga 1687 thleng khan an luah. Hetih hun chhung hian kum 62 zet lung sakhat leh chang tha tak tak hmangin an sa tha nghe nghe a ni. Aurangzeb a pawhin he kulh la tur hian theihtawp a chhuah tih History ah kan hmuh kha, tlawh ve phawt mai teh
QULI QUTB SHAH TOMB :
Golconda atang hian 2 km vel a hla ah Ibrahin Bagh huan mawizet maiah Quli Qutb Shah lal pasarihte thlan hi a awm a. Seven Tombs tia hriat lar ani. Hun neih chuan kal ve ngei chi a ni.
NEHRU ZOOLOGICAL PARK :
Acre 300 chuanglai a zau pharh thatak mai hring nghulh mai hahdam thlak em em mai a ni. Asia ah pawh sahuan lian ber te zing a mi a ni phak.
HUSSAIN SAGAR :
Khawpui timawitu leh len vah nan a nuam tak hian Hyderabad leh Secunderabad te a suihfin a ni. Kum 1562 a Hussain Shah Wali khuah hi a sawi a ni. Boating neih nan te a remchang, hlaphuah duh tan pawh nitla tur en vang vang pah a thutna tur te pawh a awm. A bulah hian Lumbini park te, NTR Garden te, Cinema enna changkang leh lian tak te (Prasad, Imax) pawh tlawh mai theihin a awm a nuam leh thengthaw tak a ni.
NTR GARDEN:
Hussain Sagar dil kam leh lam lawk ah hian CM hlui N T Rama Rao hming chawi a an phuah NTR Garden hi a awm a. Hmun nuam leh mawi tak ani a, a zauzawng pawh 36 acres lai ani. Intihhlimna leh in awm lem na chi thil hrang hrang Machan tree, Japanese Garden, Car Cafe, Souvenir shops, Fruit Restaurant & Children's Playing area etc te a awm a. Tin ke a fan chhuah peih loh pawhin monorail service hmangin a hel chhuah theih vek bawk ani. Nula leh tlangval tan lenna hmun nuam ani a, nu leh pa leh putar naupang te chenin he garden ah hian kal ngei ngei chi a ni.
RAMOJI FILM CITY :
1500 Acre lai a zau a ni a. Asia khawpui a film city lian ber a ni a chhung ah hian khaw lem tamtak film chan theihnan an siam a ni. Khawpui pawn lam Km 25 vel a hla a awm avangin kalna tur Taxi emaw Bus emaw ngaihtuah a, awmni kham a kal vang vang chi a ni. Bus leh Taxi hire na chu Koti Bus station bulah emaw Masab Tank a petrol pump piah lawk a Private Bus counter leh travel agencies hrang hrang ah te ngaihven mai theih a ni.
BIRLA PLANETARIUM :
State Assembly chhak a tlang Naubat Pahad ah chuan Birla Planetarium changkang tak a awm a , a bulah mai chuan Birla Meuseum leh Birla Mandir pawh a awm bawk. Khawpui lai lai awm a nih avangin pan a awlsam a tlawh ve ngei chi a ni.
Heng kan sawi bakah hian sawisen loh hmun pawimawh, hmingthang, mawi leh nuam tak tak te a awm a, hun awl neih chuan tlawh ngei I tum dawn nia. Hyderabad-Secunderbad Twin city hi kum tak tak liam ta atang tawh khan rangkachak leh lunghlu lama sumdawnna hmun pawimawh tak ani a. He khawpuiah hian Venetian Traveller hmingthang Marco’Polo te hun lai pawh khan lunghlu leh rangkachak a insumdawn tawnna an lo nei tawh thin ani. Rangkachak (gold) leh Pearl a sumdawng tam tak an awm a, Hyderabad a mi chu a man a tlawm mai bakah a quality a tha bik niin an sawi thin. Ei leh in lamah pawh Hyderabad Biryani chu khawvel in a tui zia an hria a, Ramzan thla ah phei chuan Haleem tui tak kawtthler tin deuh thaw ah lei tur a awm ani. Hyderabad-Secunderabad ah i rawn zin anih ngat chuan thingpui tui tak Irani Chai leh a hmeh Osmania Biscuit, Irani Samosa te ei lo chuan kir leh suh ang che!
|
Travel Information 
