Mizote tan thil tha nia ka hriat tlem azawng:

Khawtlang huapa thiltih a tam lutuk:
Khawtlang huapa thiltih han tih hian Kohhran lam pawh huam ta ila. Nula-tlangval vengva leh inhmang deuh te chuan zan tinin chhuah reng an ngai a. Zan awl an nei lo reng reng tluk a ni. Hei hi lehkhazir te tan chauh nilovin hna thawk te tan pawh a lutuk deuh a, lehkhabu chhiarna, nula rimna (a pawimawh a nia, senior kan ngah em em danah hian), chhungkaw inkawm khawmna hun a tlem em em a, kan nun pawnlang riau na chhan te pawh hi a ni thei mai lo maw?

Taimakna:
Pvt Company Aizawl ah ka thawk a, nu leh pa min duhsaktu thenkhatte chuan “Nakinah hna te chu I la hmu ve mai ang” min ti tho zel. Ka hnathawh an hriat loh vang a ni lo, ‘Hna’ tak ah min ngaih sak loh vang zawk a ni. ‘Company chu an thawk hah a, sorkar ah luh a tha’ an ti thin. A dik tak chuan sorkar hian Information technology enabled services an hman ve loh avangin file system an kalpui a, tha taka thawk tur chuan hah zawk tur an ni, sawi thui lutuk lo mai ila. Kristian te chu taima tak, eng hna pawha rinawm tur ni awma ngaih si hi hna awlsam leh thawh nuam kan zawng a, zelthel taka thawh theihna hna hian kan lung a kuai ber fo niin a lang.

Pianthar kan tum dan:
A hmasa berin ‘Gospel Camping’ tello chuan pianthar theihloh ah kan ngai nghal ringawt a. Pahnihna; Kan pianthar chuan zai leh lam tui viau turah kan inngai leh ringawt a.
Pathumna: Zai leh lamah kan lo khatliam reng theilo a, kan zai that peihloh na na na chuan ‘da’ kan lo ni thin, ‘da’-lo chu zai leh lamah tui reng tura kan ngaih avangin…
Nitin nuna Krista lan chhuahna a vang hle thin. Piangthar nazawng chhandam an nit a lo nge ni ang le?

Sual:
Hmanni lawkah Health Care Scheme a buai a. He scheme hi State danga an hman ve loh, American ho system neih ang deuh khu niin ka hria a, a hlu em em a ni. Khatiang taka mipui tana thil tangkai eiral/ tichingpen tu te kha kan kan ngawihbo pui leh mai mai dawn a ang viau. Hmanni ah kan vengah misual Gas ru mi tlawmngai zual deuhten an man a, an vaw hrep a. Kan chanpual te thlenga eiru tute hi tlawmngaia vawtu an awm ve lo lawi a!

Kan chunga thil thalo a lo thlenin a then kan ngaidam a, a then kan ngaidam lehlo fo. Hei hi a Kristian ber em? Thleibik neilo rorelna hi Kristian te ta a ni dawn lawm ni? Dan kengkawhtute hnenah tlu lutin dan angin thil kal thin sela, a va duhawm em!

 - C S Lalmuanzuala

Comments (1)

...
written by Dawnga Lungtau, July 22, 2009

Apate-a i va ti tha chiang kuang kher ve le..! ni e, tlomngai pawl in ti ta rau rau..mipui chan ai ei zo vek tu te pawh khi..tlawm ngaih chhuah in vaw ve hrep hlawm se..!! mihring ve tho annia..kan danglam na chu..an ni MLA kei ni a thlangtling tu te..kan rawngbawl tu te an ni mai a. Fuck the system!