|
Pic: Vice President, Pu PC-a'n Presidential Adsress a pe lai Hyderabad Mizo Association din champha chu 2nd October khan YMCA, Narayanguda Hall-ah hlim takin kan hmang ho. Programe ropui tak min tansak turin Tv. Siama (Seva Bharat) chuan Pathian hnenah min hlan sak a. Kan President Dr. C.Dothanga awmloh avangin a aiawhin Vice President P.C. Lalnghinglova chuan thuchah thatak tawifel takin a sawi.
 Pic- Nl.Lalneihzeli Sailo(Black House) Solo(Girl) Pakhatna -" Teuh lo mai, a teuh lo mai..." a sa lai  Pic-Hyderabad Mizo naupang ten fancy dress an entir lai Intihsiakna tan leh a ni a. House tin atangin malzai(solo) mipa leh hmeichhia 1 theuh an rawn theh chhuah te khan kan beng an tih tlai mai bak ah an zaithiam zia kan hriat theih phah a ni. Intihsiakna dang leh atan Debate ngaihnawm tak Tv.K.Malsawmdawngliana Speaker in a rawn kaihruaii a, Mover leh opposer lam atangin "MLTP Act" chungchang an rawn sawi tak tak chu tan tur zawk hriatthiam a har, a sawi hnu hnung hnung lam kan tang thei zel mai, debate tawp dawn ah Speaker in mipui lam atangin ngaihdan sawina hun a hawng te kha kan programme ti kalh kim tu pakhat a ni. A karah Program hlimawm tak tak, naupang fashion parade te, City tlangvalho in ropui eltiang a Tluangpuii Secret Fashion show run away walk an neih te, Mapuii, Di-i, Didinte-i te lam live ngat a kan en kha a ropui e. Zaithiam kan ngah ve ta, Chris-a zai te, Hmangaihzuali zai te kha an thiamzia ngaithla thiam tan chuan murna tham vek a ni. Pu Chungnunga kaihhruaina hnuai a tlangval ho ban in buan (arm wrestling) an bei tak tak te kha kan mit ti tlai tu leh boruak hlimawm siam tu tha tak a ni.  Pic-MLTP Act Debate ngaihnawm tak chu  Pic-Kan MC te Puipuii & Ben-a
Kan Stage Marshal te Tv. Bena leh Nl.Puipuiin hnehsawh takin program an kaihruai a a kar lak a thu han rawlh tur an hre khawp mai.  Pic- JNTU(Blue House) tlangval te'n "Hei ha Hui ha ..." tih hla in mipuite an awi lai  Pic-City(White House) tlangval te fashion show hmuhnawm lutuk chu!
HMA Sports Grand Finale a ni bawk a result kimchang chu tarlan senloh nimaise. A tlangpui - Black House (UoH) pakhatna, Blue House (JNTU)) pahnihna, White House (City and Sainikpuri) pathumna te an ni a. Best Boy leh Best Girl chu Tv. Lallianzama leh NlV.Laldinpuii (Didinte-i)an ni thu te chu i han sawi lang tel hram teh ang. Kan hlut em em HMA Best Students Award 2009 dawngtu te chu:- Tv. Malcolm Lalhmingliana s/o Lalzidinga Sailo, JNTU a Civil engineering zirlai leh Nl. Lalhmingliani (Mapuii) d/o K.Zairema, UoH a M.Phil (Pol Sc.) ti mek te an ni, kan chhuang khawp mai.  Pic- Sports lawman sem lai  Pic- Green House(sec'bad) lam pawh an tang hle
Hun tawp lam hi ruaitheh hnu-ah kan nei a. Kan Sport Secy Tv. Lallianzama chuan result puanna leh lawmman semna min huaihawt sak a. Kan Adviser Pu Zohminga te nupa pawhin a tawp thlengin min awmpui, an au ring ve hle.Tin, HMA DAY pual hian HMA PUARAK Special Bulletin tih chhuah a ni bawk.  Pic-JNTU(Blue House) an lawmman te nen  Pic- City (White House) "Boruak hi tu ta nge.."
Kan hotute an fakawm hle kan Vice President Pu. P.C.Lalnghingloa leh Gen Secy Tv. Lalzarzoa ten hneh takin engkim ruahmanna fel fai takin a kal pui a. Pu PC-a leh Pu Lalvuana te'n mipui el euh a hraiturin chaw an chhum a JNTU tlangval hote'n chutney tuitawk leh bai (Mizo bai) leh arsa kan tuihnai tawk min hlui kan puar e kan fan e. A cheimawi leh receptionist hna felfai tak a min tihsak a a hnaw min khar sak tu UoH zirlai te hnenah kan lawmna a hniam chuanglo. Kan thla nalh tak a la tu te Tv. C.Rotlinga, Tv. Robert Lalchhandama leh Pu. Samuela te chungah hian thlala a in pose zawng zawngte kan lawm a ni.  Pic- University of Hyderabad(Black House) over all champion  Pic- Mipa Solo lawmman-1 na dawngtu (Blue House ) " Zoram hmangaihtu mihuaisen te u..."  Pic- HMA Best Student Award 2009 dawngtu te  Pic- Mipa chanpual "Arm Wrestling" competition
Copyright 2007. All Rights Reserved.  |
