|
HMA WEBSITE MANAGEMENT TEAM MEMBERS Super Administrator & Technical-
 1. Malsawmdawngliana Lailung: "Sawmte-a" ti an kan koh hian Ph.D University of Hyderabad-ah a ti mek a. St Francis College-ah Lecturer (Hist)in a thawk bawk. Website kan neih tirh atanga phur ve ber pakhat a ni a, ani thahnem ngaihna vang liau liau hian Hyderabad Mizo Association hian tuna i en lai mek website hi kan nei thei a ni. Ani hi web layout & designing mawhphurtu, a tul ang ang thawk thin a ni. 2. Aningbo Niumai: "Aning" kan ti mai a, Mizo a ni lemlo a, naupang te computer thiam zet a ni. Tunah hian IIT Delhi ah zirna avangin min kalsan rih a. Mahse Delhi lam atang pawhin a rawn vil reng a ni. Web template kan neih tawh zawng zawng siamtu (web desinger) a ni. Administrator- Lalzarzoa: "Zara" ti a kan koh mai hian Ph.D, Department of History, University of Hyderabad-ah a zir mek a. Ani hian news, thlalak leh a tul pawimawh a piang post zat zat a, web kalphung reng reng a min hruaitu ber kan hotupa a ni. A nun a bet tlat pakhat chu in enlai mek he website hi a ni.
Photography Editors-
1. H. Vanlalhruaia: Taitea tih a kan koh thenkhatin "Epis" ti a kan koh bawk hian thu leh hla leh thlalak tha tak tak te a rawn post thin a. Ani hi heti lam a tuimi leh University of Hyderabad-a Ph.D(Hist) zirlai mek a ni.
2. C.Lalrozami: "Zamtei" hian Ph.D Mass.com University of Hyderabad a zir mek a, a thiamna chhawr tangkai tumin tunah hian thlalak lam enkawl tur a chanvo pek a ni.
Web Editors-
1. Dawnga Lungtau (Joel-a): "Awzzman" emaw 'Dawnga' ti a kan koh tel lo hian website hi a kimlo ngawt ang. Life Science subject Degree course a zir zo tawh a ni a. Kan site tan a mi thahnemngai, news post ngai leh information theihtawp a la khawm tu a ni.
2. R. Lalruatfela: "Mama Lelhchhun" hian a tuina lam F-1/Sports news lam te a rawn post ber a, Commerce subject atangin Degree a lak hnu ah tunah hian HSBC-ah a thawk mek a, website tan theihtawp chhuah thin a ni.
3. Vanlalngheta Pachuau: "Majesty" emaw 'Tete-a' ti a kan koh hian web enkawl mai nilo khuangvuak (Drums) a thiam a, Axis band a puipa ber a ni. Hyderabad "burning news" awm tawh phawt chu kimchang taka rawn post mai thin a ni.
Literature/Debate/Burning Issue Editors- 1.PC. Lalnghinglova: HMA a kan ziaktu lian leh hruaitu ni mek PC-a hian eizawnna lamah chuan Indian Air Force a thawk mek a. Article leh burning issue lam a kan mi tangkai ani. 2. C.S.Lalmuanzuala: "Apatea" tiin emaw "Samuel" ti a kan koh mai hi HMA Chanchinbu "Puarak" enkawltu a ni a. Psychology subject atanga a duhtawk degree a lak hnuin MNC lamah a eizawnna hna a chhunzawm a. Tunah hian HSBC ah a thawk mek bawk. Article leh thubengvarthlak deuh deuh te rawn post tu a ni.  3. Lalnunzami Singson: "Mazami" ti a kan koh mai hian University of Hyderabad atangin English Literature ah Master Degree a zir zawh zo tawh a. MNC lam luchilhin tunah hian Bank of America, Hyderabad-ah hnathawh pahin kan site-a Poetry section hi a enkawl a, thu leh tha tak tak min rawn hlui thin. Note: Heng kan tarlan tak te bak ah hian HMA Exe.committee in tlawmngai a website enkawlna hnathawk tura a ruat midang pawh an awm nual a. Mahse tulna dang avang te in hunrei tak website lamah an kutthlak na hmuh tur awm rih lova, an thil rawn post hunah kan lo hria ang a, an mahni leh an chanchin pawh kan rawn sawi theih kan beisei. Tunah chuan Registered memberte'n an duh ang zawng leh news te post mai theihin (submit news tih ah hian) siam ani ta a, chung in thu leh hla thehluh te chu a chung a kan Editor te khian an lo thlifim ang a, chhuahtlak ni a an hriatte chu an lo publish zel thin dawn a ni.
|
Admin Team 
